Şehzade Mustafa'ya mersiye / Taşlıcalı Yahya

I. bend
Meded meded bu cihanın yıkıldı bir yanı
Ecel celâlîleri aldı Mustafa Hânı

Tohındı mihr-i cemâli bozuldı erkânı
Vebale koydılar âl ile Al-i Osmânı

Geçerler idi geçende o merd-i meydânı
Felek o canibe döndürdi şâh-ı devrânı

Yalancımın kun bühtanı bugz-ı pinhânı
Akıtdı yaşumımı yakdı nâr-ı hicrânı

Cinayet etmedi cânî gibi anın câm
Boguldı seyl-i belâya tagıldı erkânı

N’olaydı görmeye idi bu macerayı gözüm
Yazuklar ana reva görmedi bu rayı gözüm

II. bend

Tonandi ağlar ile nurdan menâra dönüp
Güşâde hatır idi şevk ile nehâra dönüp

Göründi halka dıraht-ı şükûfezâra dönüp
Ütag u haymeleri karlu kûhsâra dönüp

Tururdı şâh-ı cihan hiddet ile nâra dönüp
Yürürdi kullan yamnea lâle-zara dönüp

Müzeyyen idi bedenlerle ak hisara dönüp
El öpmeğe yüridi mihr-i bî-karâra dönüp

Tolındı gelmedi çünkim o mâh-pâre dönüp
Görenler ağladılar ebr-i nev-bahâra dönüp

Bir ejdehâ-yı dü-serdür bu hayme-i dünyâ 
Dehânma düşen olur hemîşe nâ-peydâ

III. bend

O bedr-i kâmil ol âşinâ-yı bahr-i ulum 
Fenaya vardı telef etdi ara tâli-i şûm

Dögündi kaldı hemân dâg-i hasret ile nücûm
Köyündi şâm-ı firakında doldı yâş ile Rûm

Kara geyürdi Karamana gusse etdi hücum
O mâhı ince hayâl ile etdiler ma’dûm

Tolandı gerdenine hâle gibi mâr-ı semûm 
Kazâ-yı Hak ne ise razı oldı ol merhum

Hatâsı gayr-ı muayyen günâhı nâ-ma’lûm
Zihî şehîd ü saîd ü zihî şeh-i mazlum

Yıkıldı yer yüzine aslına rücû etdi 
Saadet ile hemân kurb-ı hazrete gitdi 
 

Taşlıcalı Yahya
Gerçekedebiyat.com